Обид за нелегален пренос на повеќе од 64.000 евра спречиле царинските службеници на граничниот премин Табановце, откако при контрола на автомобил со германски регистарски таблички, управуван од грчки државјанин, биле пронајдени 64,250 евра во готовина.
Девиците привремено се одземени, а против лицето е поведена прекршочна постапка пред надлежен суд, соопшти Царинската управа.
„Во
конкретниот случај, на прашање на царинските службеници дали има нешто да
пријави, лицето пријавило 60 илјади евра со образец издаден на влез во
Република Србија. Поради сомневање во изјавата, царинските службеници заедно со
полициски службеник на FRONTEX извршија детален претрес при што се пронајдени
вкупно 124.250 евра. Согласно Законот за девизно работење на лицето му се
вратени 60 илјади евра, а останатите се одземени“, наведуваат од Царина.
Додаваат дека годинава биле откриени вкупно 30 случаи на нелегален пренос на девизи, при што запленети биле вкупно 820.675 евра, 141.300 британски фунти и 35 илјади австралиски долари.
© Vecer.mk, правата за текстот се на редакцијата
