Премиерот Христијан Мицкоски денеска порача дека подготвен да го прими на средба лидерот на СДСМ, Венко Филипче, во кое било време доколку навистина има план за подобрување на состојбите во државата и сака да помогне.
„Стојам на располагање во секое време, ќе го прераспределам мојот распоред, ако треба на полноќ, после полноќ за да го сослушам неговиот план и да видиме дали по тој план нешто може да се реши. Но доколку планот опфаќа стабри-пристап како што беше во минатото за време на короната тогаш јас такви планови не можам да прифатам“, изјави премиерот одговарајќи на новинарски прашања при отворањето на фабриката Магна.
Според Мицкоски е непристојно за ова да разговараат преку медиумите зашто, како што рече, ова е сериозна тема, а за сериозна тема се седнува и се разговара очи во очи.
„Доколку има план подготвен сум да го примам на средба претседателот на СДСМ да го образложи планот, да го слушнам планот. Сериозни времиња се, јас сум сериозен човек, серриозни работи се во прашање и најмалку што треба да се прави е естрада на јавна сцена“, додаде Мицкоски.
© Vecer.mk, правата за текстот се на редакцијата
