Маричиќ во Косово ќе потпише Договор за заемна правна помош во граѓанските предмети

Министерот за правда Бојан Маричиќ денеска ќе престојува во еднодневна работна посета на Косово.

Предвидено е да има средба со косовската министерка за правда Албулена Хаџиу, по која ќе го потпишат Договорот за заемна правна помош во граѓанските предмети.

Од Министерството за правда пред состанокот нагласуваат дека помеѓу двете држави постојат тесни економски, политички, културни и други врски, поради кои е потребно олеснување на постапките пред институциите на двете држави.

„Со склучувањето на овој договор се воспоставува и дипломатскиот пат на комуникација, кој ќе овозможи побрза и поефикасна граѓанска постапка и ќе се овозможи директна комуникација меѓу надлежните органи на двете држави за побрз одговор и од двете страни, без претходно да се процедурите да минуваат преку двете министерства “, велат од правда.