Скопското обвинителство отвори истрага против 39-годишен државјанин на Косово, кој се сомничи дека во два наврати „оперирал“ во ист тобако-маркет во Скопје. Првиот напад се случил на 11 април, кога осомничениот со тесла го скршил стаклото од влезната врата, влегол во објектот и украл алкохолни пијалаци, цигари и пари од дневниот промет, правејќи вкупна штета од околу 53.000 денари. По грабежот, тој се оддалечил од местото со велосипед.
Седум дена подоцна, на 18 април, тој се обидел да ја повтори кражбата во истиот објект на идентичен начин. Сепак, неговиот втор обид бил спречен од вработените и случајните минувачи кои веднаш ја алармирале полицијата. Бидејќи станува збор за странски државјанин кој непријавено престојувал во земјава, обвинителството побара мерка притвор поради реална опасност од бегство.
© Vecer.mk, правата за текстот се на редакцијата
