logo
logo
logo

И СО КРАДЕЊЕТО НА ЕВН ВО СМЕТКИТЕ ЗА СТРУЈА СЕ ПРЕТЕРА, ќе следат ли измени и какави се?

Vecer | 25.03.2025

И СО КРАДЕЊЕТО НА ЕВН ВО СМЕТКИТЕ ЗА СТРУЈА СЕ ПРЕТЕРА, ќе следат ли измени и какави се?

Со сметките за струја се прават очигледни манипулации, почнувајќи од неовластено продолжување број на денови за читање на потрошувачката за да влезе корисникот во повисока тарифа до бруталната кражба кога за испорака на електрична енергија до домот или корисникот воопшто се наплаќа безмалку повеќе и до половина од сметката за граѓаните.

Регулаторната комисија за енергетика подготвува измена и дополнување на правилата за снабдување со електрична енергија, со што отчитувањето на броилата кај потрошувачите ќе биде на месечно ниво, наместо како досега на секои три месеци.

Со тоа се очекува граѓаните да добиваат реални, наместо паушални пресметки, откако голем број од нив во изминатиот период се пожалија дека за месеците декември, јануари или февруари платиле за нешто што не го потрошиле.

- Во Правилата за снабдување со електрична енергија, во членот 29 во ставот (5) зборовите “квартално во текот на календарската година” се заменуваат со зборовите “месечно”, пишува во предлог-измената што РКЕ ја разгледувала како точка на подготвителната седница на 20 март.

Отчитувањето ќе се врши на почетокот на секој календарски месец, а ова, како што објаснува РКЕ во образложението, се прави поради големиот број на преставки пристигнати до регулаторното тело.

„Отчитувањето на мерните уреди согласно востановената пракса на работењето на операторите на електродистрибутивните системи во повеќето земји членки на Европската Унија, како и во регионот се врши еднаш годишно.

Меѓутоа, со оглед на тоа дека во текот на 2024 година како и во тековната 2025 година се пристигнати голем број на претставки и поплаки од потрошувачите со кои се наведува дека фактурирањето се врши не на отчитана состојба на мерните уреди туку врз основа на проценета состојба, за соодветниот пресметковен период, Регулаторната комисија за енергетика пристапи кон измена на посочената одредба со што се утврди дека отчитувањето на мерните уреди ќе се прави месечно, освен во оддалечени подрачја и таму каде што овластени лица на операторот на електродистрибутивниот систем немаат пристап и со тоа ќе се обезбеди поголема заштита на правото на потрошувачите за правично определување на висината на услугата според реално направената потрошувачка на електрична енергија, а воедно ќе се задолжи операторот на електродистрибутивниот систем редовно да ги отчитува мерните уреди“, пишува во образложението.

Десетина дена претходно Здружението на инженери на Македонија, поднесе претставка до Регулаторната комисија за енергетика, со барање за измена на правилата за снабдување на електрична енергија, заради „спречување на неправедните наплати во фактурите за електрична енергија кај домаќинствата“.

Од таму побараа да се изврши измена на Правилата за снабдување со електрична енергија и да се воведе месечно отчитување на броилата, како што е предвидено за останатите категории на приклучоци во Тарифниот систем за дистрибуција, или во случај кога броилото не е отчитано, ЕВН да издава фактура од 420 денари со прикажување на 0 kWh потрошена електрична енергија, а откако ќе се изврши реално отчитување, потрошувачот да добие корегирана фактура врз основа на реалната потрошувачка за периодот од претходното до последното отчитување.

Паушалното одредување на потрошувачката и внесувањето на корисниците во повисоки ценовни блокови при само ±10 проценти пречекорување на блоковите на годишно ниво може да предизвика значителни разлики во наплатата во однос на реалната потрошувачка“, реагираа од здружението.

Од РКЕ вчера најавија дека точката наскоро ќе биде усвоена, односно правилата ќе бидат официјално изменети и наскоро, можеби уште во текот на оваа недела, ќе стапат на сила. Во текот на вчерашниот ден имало и состанок со здружението, иако на оваа процедура се работело подолго време заедно со Министерството за енергетика.

За еден месец од 24 декември до 25 јануари на адресата на ЕВН Хоум пристигнале 15 илјади барања за корекции на високите сметки за струја.

Само за дел од нив - 2.200 (15 отсто) е утврдено дека се основани и за нив е извршена корекција на сметките. За останатите е утврдено дека немале основ, бидејќи вредноста на сметката била соодветна на реалната потрошувачка. До РКЕ, како второстепен орган, до 28 февруари се пристигнати 345 приговори.

Во Македонија има вкупно 820 илјади броила. Според законот, ЕВН Хоме сега е должно квартално (на секои 3 месеци) да ги отчитува броилата за да се осигури дека податоците се точни, најавено е дека тие правила ќе претрпат промени.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk