Воздушна поддршка од три „ер трактори“ пристигна во општина Сопиште, каде што огнената стихија се заканува на потегот зад Водно. Дека битката со пожарот се интензивира потврдуваат и најновите видеа објавени од Дирекцијата за заштита и спасување, кои ја прикажуваат масовната акција за кротење на пламенот од воздух.
„Дејство на противпожарните авиони на ДЗС,’Еер трактор’ врз пожарот во Општина Сопиште, под јужната страна на планината Водно кај Скопје“, стои во описот на видеата.
Директорот на ДЗС, Стојанче Ангелов, информира дека денеска низ земјата има пет пожари, но дека ниту еден од нив нема капацитет да предизвика поголема штета.
Ангелов кажа дека очекува сите пожари да бидат изгаснати.
© Vecer.mk, правата за текстот се на редакцијата
