Сепак, иако не ја запознал, Хефнер ја направил Мерилин икона на Плејбој откако купил неколку нејзини разголени фотографии кои таа се согласила да ги направи на почетокот на кариерата кога немала пари.
Подоцна, кога Мерилин беше една од најголемите и најпрепознатливите ѕвезди на светот, Хефнер ги објави фотографиите во списанието без да ѝ каже на Монро, која подоцна изјавила дека мора да го купи списанието за да се увери самата.
Хефнер почина во септември 2017 година, а неговите посмртни останки се наоѓаат во криптата во Меморијалниот парк на селото Пирс Брадерс Вествуд во Лос Анџелес. Веднаш до него се наоѓа гробот на Мерилин, која почина во 1962 година на само 36 години.
Хефнер ја донесе својата одлука да биде погребан покрај Мерилин години порано, кога за Лос Анџелес Тајмс во 2009 година изјавил: „Верувам во симболични работи. Да се помине вечноста покрај Мерилин е премногу слатко“.
Тој потврдил и дека платил 75.000 долари за место до актерката, што ги налутило феминистките кои истакнале дека Хефнер без нејзина согласност ги објавил нејзините разголени фотографии и не ѝ дал ниту долар. Всушност, кога се согласила да се фотографира во 1949 година, за нив ѝ платиле само 50 долари, а потоа побарала од фотографот да се обиде да ги земе за да не биде препознатлива.
Хефнер подоцна платил 500 долари и ги објавил на централно место во првото списание Плејбој.
Во 2011 година, Хефнер му рекол на Пирс Морган: „Таа всушност беше во класата по глума на брат ми во Њујорк. Но, реалноста е дека никогаш не ја запознав. Еднаш разговарав со неа на телефон, но никогаш не ја сретнав. Таа замина, за жал , пред да дојдам овде“, признал тој.
© Vecer.mk, правата за текстот се на редакцијата
