Момченцето по име Лорен Симонс&nbsp;(13) завршило основно училиште на шестгодишна возраст, на универзитет во Белгија тргнало на девет години, а дипломирало на 11-годишна возраст и минатата година ги завршило своите магистерски студии по квантна физика на Универзитетот во Антверпен.

Тој го воодушеви светот со својата брилијантна интелигенција, а минатата година беше објавено дека наскоро планира и да докторира.

Таткото на Лорен, Александар Симонс, рекол дека неговиот син ќе се запише на докторски студии по природни науки на германскиот институт Макс Планк, момчето соработувало со група научници од оваа институција, на истражување на ласери кои откриваат карцином од примероци од крв.

Александар Симонс не ги прецизирал деталите за студиите, но истакнал дека програмата ќе вклучува хемија, медицина и физика, а Лорен ќе поминува многу време во лабораторија. Момчето неодамна ја посети Хрватска, во организација на Здружението на Никола Тесла мрежа.

Генијалниот Лорен Симонс беше на пат да стане најмладиот дипломиран на универзитет во светот, но во 2020 година се откажа од холандскиот универзитет во Ајндховен по спор околу можниот датум на дипломирање. Чудото од дете се најде на насловните страници ширум светот бидејќи требаше да дипломира електротехника на Универзитетот во Ајндховен пред крајот на годината, што би го направило првиот дипломиран во светот на возраст под 10 години, објави Ројтерс.

Сепак, од универзитетот им кажале на Лорен и неговите родители дека планот повеќе не е остварлив, со оглед на бројот на испити што морал да ги положи пред неговиот роденден на 26 декември. „Лорен е исклучително надарено момче, кое напредува низ студиите со невидено темпо“, објави тогаш Универзитетот.

Универзитетот соопшти дека му понудил екстремно брза шема, според која тој ќе го заврши своето образование во средината на 2020 година. Сепак, родителите на момчето решиле да не ја прифатат понудата и ги завршиле студиите на Лорен во Ајндховен.

„Многу е необично што сето ова дојде токму во времето кога ги финализиравме плановите за докторат на Лорен на друг универзитет“, коментираше таткото на Лорен.

Според Гинисовата книга на рекорди, најмладиот човек кој добил универзитетска диплома е Американецот Мајкл Карни, кој дипломирал во јуни 1994 година, кога имал 10 години и четири месеци.

Генијалецот од Белгија бил инспириран од&nbsp;Никола Тесла, па открил дека сака да истражува вештачки органи и на крајот да развие цело вештачко тело во сопствената лабораторија.

Родителите на момчето, Лидија и Александар Симонс, претходно изјавија дека мислеле оти бабата и дедото на Лорен претеруваат кога им кажале дека малото момче е надарено, но дека подоцна во тоа ги убедила и неговата учителка.

„Забележаа нешто многу посебно кај Лорен“, рекла мама Лидија, а тато додал: „Ни рекоа дека е како сунѓер. Апсорбирањето информации не е проблем за Лорен. Мислам дека фокусот ќе биде на истражување и примена на знаењето во откривање нови работи. Не сакаме тој да стане премногу сериозен. Тој прави што сака. Мораме да најдеме рамнотежа помеѓу неговите таленти и неговото детство“.

Синот на Александар и Лидија на 11 завршил факултет, со 12 запишал мастер, па докторат