Топол оброк кој е одличен избор за напорните денови, бидејќи брзо се подготвува и дава доволно енергија за сите секојдневни активности. Поради оваа причина, денес со вас споделуваме рецепт за вкусна чорба од пилешко и компири која ќе биде доволна за целото семејство, а за подготовка е потребно само половина час!
За оваа чорба можете да користите кој било дел од пилешкото, иако ние препорачуваме пилешки гради – без коски и без кожа, исечени на помали парчиња.
Доколку сакате зачинета храна, во чорбата можете да додадете и чили пиперки, додека количината на лук можете слободно да ја прилагодите по ваш вкус. Во продолжение погледнете го рецептот за ова вкусно јадење:
Чорба со пилешко и компири
Состојки:
• 1 литар пилешка супа
• 600 гр пилешки гради
• 300 гр компири
• 30 гр путер
• 2 големи моркови
• 1 стапче целер
• 1-2 чешниња лук
• 1 лажица брашно
• 1 ловоров лист
• сол и бибер по вкус
• свеж магдонос за сервирање
Подготовка:
Во поголемо тенџере растопете го путерот, а потоа испржете ги сечканите моркови и целерот. Пржете го зеленчукот околу пет минути, додека не омекне. Додадете го сечканиот лук и продолжете да пржите уште околу минута.
Додадете го брашното и сè добро измешајте. Потоа содржината на тенџерето прелијте ја со пилешка супа.
Во тенџерето додадете го сечканото пилешко, излупените и исечкани компири, ловоровиот лист и гранчињата мајчина душица. Додадете сол и бибер и оставете сè да се готви околу дваесет минути или додека пилешкото и компирот целосно не се сварат.
Посипете ја чорбата од пилешко и компири со свеж сечкан магдонос и послужете со вашата омилена салата.
Уживајте во вашиот ручек!
© Vecer.mk, правата за текстот се на редакцијата
