Просото содржи клучни аминокиселини кои помагаат во градењето и обновувањето на мускулите и клетките на кожата. Богат е и со јаглехидрати кои полека се варат, па брзо ни дава чувство на ситост и го помага процесот на слабеење.
Бидејќи е лесно сварливо, просото е едно од зрната што им се дава на децата како прва цврста храна.
Оваа житарка содржи и природни масти, кои се неопходни за апсорпција на витамини, меѓу кои каротин и витамин Д.
Кашата од просо помага и за здравјето на нервниот систем, поради витаминот Б1 што го содржи, а поради изобилството на витамин Б5 полесно ослободува од стресот и притисокот. Особено е корисно за здравјето на постарите луѓе, бидејќи има позитивен ефект врз здравјето на мозокот, меморијата и физичките способности.
Просото содржи и многу железо и магнезиум, а кардиолозите го препорачуваат како храна што треба да се јаде што почесто, бидејќи е полно со калиум кој помага во борбата против срцевите заболувања, го нормализира крвниот притисок и ги зајакнува крвните садови.
Ви пренесуваме 2 рецепти за просо кои мора веднаш да ги вклучите во исхраната:
Просо и зеленчук
Потребни состојки:
1 шолја просо
1 главица кромид
1 чешне лук
1 рендан морков
300 грама слатка пченка
малку маснотии, малку сол и бибер, една лажичка куркума.
Начин на подготовка: Кромидот и ренданиот морков продинстајте ги на малку маснотија. Додадете ја слатката пченка и ситно сечканиот лук. Сè се динста и се додава добро измиеното и исцедено просо и зачините. Измешајте сè, истурете во вода додека не се покрие целата смеса и оставете да се крчка околу 10 минути. Промешајте и тргнете од оган.
Пудинг од просо
Потребни состојки:
1 шолја просо
1 јаболко
1 круша
цимет и мед
Начин на подготовка: Сварете го просото и исцедете го. Јаболкото и крушата исчистете ги и сварете ги. Просото, вареното јаболко и крушата измешајте ги во блендер. Додадете мед и цимет и послужете сè како пудинг.
© Vecer.mk, правата за текстот се на редакцијата
