Недели без автомобил и ограничување на брзината - може ли Германија да заштеди гориво како во седумдесеттите?
Со цел да се заштеди гориво, некои во Германија предлагаат повторно воведување мерки како за време на нафтената криза во 1973 година: општо ограничување на брзината и забрана за возење во недела.
Колку тоа би било ефективно денес?
Текла Вакер, министерката за животна средина на Баден-Виртемберг, прва се сети на ова:
„Зошто да не воведеме ограничувања на брзината или „недела без автомобили“, како што беше случајот во 1970-тите? Тогаш мерката се покажа ефикасни и помогнаа да се намали потрошувачката на горива“, изјави покраинскиот министер на Зелените за германската новинска агенција ДПА.
Тогаш диригентската палка ја презеде Нина Шир, претставник на владејачката Социјалдемократска партија (СПД) задолжена за енергетика и заштита на климата:
„Неделите без автомобили не ни наштетија во минатото, а денес би можеле да ни помогнат ако има е недостиг на гориво“, рече Шир за весникот „Велт“, додавајќи дека „ова е она што луѓето можат сами да го направат за да го намалат приливот на пари во воениот буџет на Путин“.
Конечно, викендов, копретседателот на Зелените Рикардо Ланг рече:
„Потребно ни е привремено ограничување на брзината на автопатите, на пример за девет месеци - до крајот на годината, односно до моментот кога сакаме да станеме независни од руската нафта."
Во земја која има производители на автомобили како Мерцедес, Фолксваген или Опел, тој предлог не можеше да остане незабележан.
По изјавата на Рикардо Ланг, Либералите (ФДП), коалиционите партнери на Зелените на федерално ниво, зедоа збор:
„Неверојатно е како некои ја користат војната во Украина за да спроведат свои симболични теми“, рече генералниот секретар на ФДП, Бијан Гир Сарај, заклучувајќи: „Сега дефинитивно е погрешно време за партиска идеологија“.
Спомени од седумдесеттите
Општото ограничување на брзината и „неделата без автомобили“ првпат беа воведени од владејачката коалиција на социјалдемократите и либералите (ФДП) под Вилијам Брант во 1973 година, во обид да се справи со последиците од нафтената криза по војната во Јом Кипур на Блискиот Исток.
Првата ваква акција беше организирана на 25 ноември 1973 година, а потоа следеа уште три „недели без автомобил“.
Оние кои ја прекршиле забраната се казнети со 500 марки.
Во исто време, ограничувањето на брзината на автопатите е до 100 километри на час, а на брзите сообраќајници до 80. Овие правила важеа цели шест месеци.
Веќе првата „недела без автомобил“ донесе слики од Германија како од филмови: илјадници пешаци и велосипедисти се собраа на автопатите, полицијата ловеше прекршителите на законот пеш, па дури и цените на коњите скокнаа, како што објавија тогаш медиумите.
Имаше и смешни сцени: некои се сетија да впрегнат коњи за да влечат автомобили, а баварското радио известуваше за возачите кои живееле во близина на Австрија и кои ги туркале своите автомобили до границата за да седнат зад воланот и да се возат таму.
[caption id="attachment_1041043" align="alignnone" width="853"]
Прошетки по автопат, 1973 година, Германија[/caption]
Намалување на потрошувачката до десет проценти
Дали овие мерки би можеле да функционираат и денес?
Аналитичарите со кои разговараше Првата програма на германскиот јавен сервис АРД проценуваат дека забраната за возење во недела, во комбинација со воведувањето на општо ограничување на брзината, ќе ја намали потрошувачката на гориво и до десет проценти.
Прашањето е, сепак, колку ваква мерка може да биде прифатлива денес, кога се повеќе луѓе користат автомобили поради пандемијата за да избегнат гужви во јавниот превоз.
„Мислам дека би било тешко да се спроведе тој предлог, бидејќи многу луѓе денес работат и во недела“, изјави Амадеус Бах, истражувач од Универзитетот во Манхајм, за радиото SWR.
Подобро, вели тој, да дадат различни стимулации, на пример, за користење јавен превоз.
Инаку, во последните години, речиси сите европски метрополи симболично одбележаа барем еден „Ден без автомобили“ годишно, со што на пешаците и на велосипедистите им се дава можност да уживаат во центарот на градот.
Различно мислење имаат и еколозите.
Гринпис, на пример, предлага две „недели без автомобили“ секој месец во Германија, додека Јирген Реш, од еколошката организација „German Environmental Aid“ (DUH), смета дека тоа е „само симболично“ и дека всушност „потрајни потребни се решенија за намалување на потрошувачката на фосилни горива“.
Но, тој во разговор за весникот „Рајнише пост“ оценил дека ограничувањето на брзината ќе има смисла, бидејќи, според него, „годишно ќе се заштедат 3,7 милијарди литри бензин и 9,2 милиони тони емисија на јаглерод диоксид“.
Фото: Ноември 1973 година: Коњи влечат комбе Фолксваген во Баварија
© Vecer.mk, правата за текстот се на редакцијата
