Вилата, за која пред десет години српските медиуми пишуваа дека Бреговиќ им ја купил на своите ќерки, се издава во шпицот на сезоната (јули и август) за нешто повеќе од 1.400 евра од ноќ.
„Се наоѓа на само 400 метри од плажата Пераст, нуди сместување со поглед на море, бесплатен Wi-Fi и бесплатен приватен паркинг. Ова сместување со поглед на планина нуди тераса и базен. Сместувањето нуди превоз од/до аеродром, и е на располагање и услуга за изнајмување велосипеди Пространата вила има 4 спални соби, ТВ и комплетно опремена кујна, која на гостите им нуди машина за миење садови, печка, машина за перење, микробранова печка и тостер“, стои во описот на вилата.
„Удобното, климатизирано сместување има и звучна изолација и камин. Вилата нуди постелнина, крпи и услуга за чистење. Вилата има надворешен камин и простор за излет“, се додава. Дозволени се и домашни миленици, без дополнителни трошоци. Во просториите на вилата е забрането пушење, а гостите не смеат ниту да се забавуваат во вилата.
Плаќањето може да се врши само во готово, а во вилата можат да се сместат вкупно 9 лица во четири соби. Фотографиите од вилата откриваат луксузна внатрешна декорација, а собите се украсени и со интересни пародии на уметнички дела.
Бреговиќ ја купил вилата на почетокот на 2000-тите, а во 2015 година ја реновирал и во неа вложил 20.000 евра.
„Како што често кажува самиот Бреговиќ, тоа му е втора куќа, која мора да ја одржува. Бидејќи надворешноста е под заштита, сака одвреме-навреме да ја преуредува. Често го менува мебелот, а ќе видиме што ќе смени Сега не е ништо големо, но најмногу се договара со сопругата“, изјавил извор близок до семејството за српските медиуми пред реновирањето во 2015 година.
Покрај овој имот, Бреговиќ поседува и стан во Париз, куќа на Јахорина, стан во Сараево, вила во Загреб и шест имоти во Белград.
© Vecer.mk, правата за текстот се на редакцијата
