Актерката (48) е позната по улогата во серијата „Coronation Street“, деновиве откри дека повторно е вљубена, откако минатата година се разведе од третиот сопруг.
Таа на социјалните мрежи гордо го покажа новото момче и на тој начин откри дека тоа е Самуел Томас (29).
"Го запознав најдобриот маж на светот! Понекогаш најнеочекуваните работи се случуваат во најнеочекувани моменти", напишала тогаш, опишувајќи го своето момче, кое е на иста возраст како нејзиниот син Дејвид, како своја сродна душа.
Инаку, Ким Марш е англиска актерка која се прослави како музичар.
Во 2001 година Ким се приклучи на бендот „Hear'Say“, а една година подоцна го напушти бендот и ја започна својата соло кариера.
Првиот албум „Standing Tall“ го издаде во 2003 година, а по објавувањето на албумот почна да глуми.
Од 2006 до 2019 година ја играше улогата на Мишел Конор во сапуницата „Улица на крунисување“.
За оваа улога таа освои награда на „British Soap Awards“ во категоријата најдобра женска драмска улога.
За време на снимањето на серијата, во 2010 година, таа учествуваше и во реалното шоу „Popstar to Operastar“, каде што заврши на четвртото место.
Таа пред четири години ја доби работата водителка на емисијата „Утрински во живо“.
Во 2022 година, Марш учествуваше на популарниот натпревар „Строго танцување“ и влезе во топ 5.
Ким неколку пати беше во центарот на вниманието поради турбулентниот љубовен живот.
Таа беше мажена три пати, а има три деца со двајца мажи.
Во 1994 година, актерката го запозна градежникот Дејв Канфли, со кого беше во врска до 1999 година.
Иако никогаш не се венчаа, тие заедно имаа две деца - Дејвид и Емили.
Нејзиниот прв сопруг беше актерот Џек Рајдер. Тие се запознале во 2001 година и се венчале само една година подоцна. Се разведоа во август 2009 година.
Актерката се омажи за актерот Џејми Ломас во 2012 година. Поранешните сопружници својата врска ја започнале во 2008 година, а една година подоцна Ким забременила.
За жал, детето го изгубиле веднаш по раѓањето. Потоа, во 2011 година ја добиле ќерката Поли, а во 2012 година се венчаа. Двојката раскина во 2013 година и официјално се разведе во 2014 година.
Пред да биде финализиран разводот на неа и Џејми, Ким беше во врска со Оливер Мелор.
Двојката планирале да се венчаат, но сепак раскинале. По разводот со Џејми, таа била во врска со личниот тренер Ден Хопер, со кого раскинала во 2015 година.
Актерката се омажила за Скот Ретклиф во 2021 година, но тие се разведоа по нешто повеќе од една година. Причината била таа што и двајцата биле премногу зафатени и поминувале премногу време разделени.
Ким го запознала своето ново момче Семјуел во 2022 година кога заедно работеле на мјузиклот „101 Dalmatians: The Musical“.
Деновиве јавно објавија дека се во врска, а не кријат колку се вљубени еден во друг.
Извор близок на парот за Мирор проговорил и за нивната врска. „Сѐ започна како пријателство, но брзо се претвори во нешто повеќе. Ким е сигурна дека оваа врска е вистинската работа и на секој што ќе слуша, му кажува дека повторно е заљубена“, рекол изворот.
Самуел е актер, но пее и работи како вокален тренер.
Од 2013 до 2016 година ја посетува Академијата за драмски уметности „Маунтвју“ во Лондон, а оттогаш играл во бројни претстави низ Велика Британија. Така тој добил улога во мјузиклот во кој глумела Ким.
© Vecer.mk, правата за текстот се на редакцијата
