Селин Дион пристигна во Франција и со насмевка ги поздрави фановите.
Канадската пејачка Селин Дион пристигна во луксузниот хотел Ројал Монсо во Париз, непосредно пред почетокот на Летните олимписки игри 2024. Доаѓањето на пејачката на овој голем спортски светски настан му даде дополнителна важност и големи очекувања.
Љубителите на спортот ширум светот со нетрпение ги очекуваат Летните олимписки игри во 2024 година, кои започнуваат оваа недела во Париз. Но сега, како резултат на неколкуте гласини кои кружат на Интернет, и љубителите на музиката со нетрпение го очекуваат настанот.
Се воспостави дека сепак постои шанса Селин Дион да настапи на свеченото отворање на Олимписките игри во Париз. А, тоа не само што би било магично, туку би било и прекрасно чудо.
За разлика од нејзините вообичаени долготрајни концертни ангажмани, овој настап вклучува изведба само на една песна за време на свеченото отворање, што би го направи враќањето на уметницата полесно. Сепак, за очекување е Селин да ја има честа да настапи на Летните олимписки игри 2024 година во Париз, чиешто отворање ќе се одржи на 26. јули, а церемонијата на затворањето ќе биде на 11 август.
Како што веројатно сте слушнале досега, Селин Дион беше принудена да направи долга пауза од настапите поради синдромот на вкочанетост, ретка и неизлечива невролошка болест која може да предизвика исцрпувачки грчеви на мускулите.
Што претставува синдромот на вкочанета личност?
Синдромот на вкочанета личност е исклучително ретка автоимуна болест која погодува околу едно лице на милион. Оваа неизлечива болест влијае на централниот нервен систем, вклучувајќи го мозокот и 'рбетниот мозок, а првенствено ги зафаќа мускулите на трупот и стомакот. На почетокот, вкочанетоста може да биде привремена, но со текот на времето станува постојана состојба која се шири кон мускулите на нозете, рацете, па дури и на лицето. Во моментов, не постои лек за ова ретко нарушување, а третманот се фокусира на управување со симптомите и подобрување на подвижноста. Иако симптомите можат да започнат на која било возраст, тие најчесто се развиваат помеѓу 30-тата и 60-тата година од животот.
@_positive.core_ #hopecore #positivity #wholesome ♬ Jacob and the Stone (Slowed) - Emile Mosseri & sped up + slowed
© Vecer.mk, правата за текстот се на редакцијата
