На аукцијата на која присуствувале повеќе од 2.000 луѓе, оваа кутија била продадена за 2.728 фунти, додека почетната цена била 400, објави Дејли Мејл.
Кутијата беше користена како реквизит во епизодата „Only fools and horses“ од 1992 година, која ја гледале 20 милиони фанови на серијата.
Во таа култна епизода, Дел Бој, кого го игра Сер Дејвид Џејсон, наоѓа мистериозен извор на вода за кој подоцна се испоставило дека е само вода од нечие градинарско црево кое минувало под карпите.
Тогаш Дел Бој во свој стил ги убедил локалните власти да му издадат дозвола да ја пакува водата и да ја продава како минерална вода.
Еден од членовите на екипата, кој ја снимил епизодата ја зачувал кутијата во складиште 33 години пред конечно да заврши на аукција.
© Vecer.mk, правата за текстот се на редакцијата
