За време на настапот во „Desert Diamond Arena“ во Аризона во петокот, 22-годишната поп-ѕвезда ја удриле со нараквица. Инцидентот се случил додека Ајлиш седела со скрстени нозе на сцената и ја изведувала емотивната балада од филмот Barbie, What Was I Made For?.
На снимката снимена од обожавателите се гледа како пејачката ја тресе главата наоколу откако ја удрила нараквицата во лицето. Но многу брзо таа продолжи да пее и со мала фрустрација го фрли предметот настрана.
@josh_urias RIP my side @BILLIE EILISH #billieeilish #hmhas #concerts #xyzbca #arizona #fypシ ♬ original sound - Josh urias
Ајлиш претходно зборуваше за ситуации кога обожавателите фрлаат предмети на сцената. За време на светската премиера на филмот Барби во јули 2023 година, таа се осврна на овој тренд, нагласувајќи дека ја разбира возбудата зад ваквите потези, но дека тоа не е прифатливо. „Буквално шест години ми фрлаат работи на сцената. Не знам зошто сега тоа е вест“, изјавила Ајлиш за „Холивуд репортер“. „Луѓето едноставно се возбудуваат, но тоа може да биде опасно“, додаде таа.
Таа објасни дека најчестите предмети кои се фрлаат на сцена се паметни телефони, често со цел да се направи селфи со изведувачот. "Апсолутно е фрустрирачки. Имам измешани чувства за тоа, бидејќи кога си нагоре, тоа е ужасно. Но, знаеш дека тоа е од љубов, тие само сакаат да ти дадат нешто. Ти си во ранлива позиција, но со години ми фрлаат работи“, додаде таа.
За потсетување, Ајлиш ја завршува северноамериканската етапа од нејзината турнеја Hit Me Hard and Soft, која започна на крајот на септември. По паузата на 21 декември и пет последователни настапи во Лос Анџелес, пејачката од февруари ќе започне серија концерти во Европа и Австралија.
© Vecer.mk, правата за текстот се на редакцијата
