На 26 февруари, претседателот Володимир Зеленски официјално го разреши бригадниот генерал Андриј Гњатов од функцијата командант на здружените сили на Вооружените сили на Украина, откако во јануари го назначи за заменик началник на Генералштабот.
Гњатов на оваа функција е од 26 јуни 2024 година, кога го замени Јуриј Содол, пишува Киев Индипендент.
Кон крајот на јануари, Зеленски објави дека Гњатов ќе биде испратен во Генералштабот како заменик началник, велејќи дека „неговата задача е ново ниво на обука на оперативниот штаб и повисок квалитет на интеракција меѓу штабот и фронтот“.
„Разговаравме за овие и за некои други промени со врховниот командант Олександар Сирски“, рече тогаш украинскиот претседател, додавајќи дека „задачите се поставени на сите нивоа“.
Додека служел како командант на здружените сили, Гњатов бил и командант на оперативно-стратешката група Хортиција.
Кога во јануари објави дека Гњатов ќе биде префрлен во Генералштабот, Зеленски го назначи генерал-мајор Михаило Драпати, командант на копнените сили на Украина, да раководи со оперативно-стратешката група.
Гњатов претходно беше заменик командант на Јужната оперативна команда.
© Vecer.mk, правата за текстот се на редакцијата
