Дејвид ван Вел, министерот за правда и безбедност во Холандија, попладнево во писмо до Претставничкиот дом на Холандија рече дека вчера бил информиран од началникот на полицијата дека „податоците поврзани со работата“ на сите полицајци во Холандија биле украдени во хакерски напад, објави Политико.
Сè уште не е јасно кои точно детали се украдени, но во писмото се наведува дека „приватните и истражните податоци“ не биле засегнати од хакирањето.
Полицијата го истражува инцидентот и холандскиот орган за заштита на податоците е известен, рече ван Вел. Тој додаде дека на парламентот ќе му достави повеќе детали кога ќе станат достапни.
Тој за холандскиот печат изјави дека владата во моментов проценува дали има некакви ризици за тајните службеници.
© Vecer.mk, правата за текстот се на редакцијата
