logo
logo
logo

Видео: Драма во руски затвор: Припадници на Исламската држава држат заложници; „Имаат секири“

Vecer | 16.06.2024

Видео: Драма во руски затвор: Припадници на Исламската држава држат  заложници; „Имаат секири“

Група затвореници од истражниот затвор во Ростовската област во Русија, кои како заложници зеле неколку вработени во затворот, бараат да им се обезбеди автомобил и слободно да го напуштат затворот, изјавија за агенцијата Интерфакс руските служби за итни случаи.

Тие тврдат дека се членови на терористичката организација Исламска држава, која е забранета во Руската Федерација, наведува агенцијата.

Интерфакс додава дека затворениците се вооружени со ножеви и остри предмети. Агенцијата РИА Новости, повикувајќи се на упатен извор, наведува дека оперативен офицер и надзорник во истражниот затвор во Ростовскаја биле земени како заложници, а затворениците кои ги заробиле се товарат за тероризам.

„Тие имаат секири, очигледно од противпожарна опрема и гумени палки, без огнено оружје“, рекол изворот.

Агенцијата наведува дека преговорите за ослободување на заложниците се во тек и дека на лице место се шефот на регионалниот штаб на Федералната поправна служба и претставници на органите на прогонот и обвинителството.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk