logo
logo
logo

Видео: 63 лица се повредени во автобуска несреќа во Барселона

Vecer | 03.03.2025

Видео: 63  лица се повредени во автобуска несреќа во Барселона

Четворица од повредените се во тешка состојба. Меѓу тешко повредените има и еден малолетник, објави Алберт Батл, заменик-градоначалник на Барселона.

Едниот од повредените бил заробен во еден од автобусите и морал да биде извлечен од специјализирани екипи.

Меѓу повредените има и група патници од брод, кои биле на обиколка на градот, особено на катедралата Саграда Фамилија, која е блиску до местото на несреќата. Меѓу повредените има и група италијански студенти кои престојувале во соседниот град, рече Батл.

Сударот се случи на „Авингуда Дијагонал“, еден од најпознатите булевари во градот.

На снимка споделена од очевидци на социјалните мрежи се гледа како еден автобус удира во друг автобус на една од коловозните ленти на булеварот. На лице место има и многу амбулантни возила.

Според очевидци, цитирани од „Вангуардија“, едниот автобус удрил во задниот дел на другиот автобус, кој пак удрил во дрво.

Фото: Unión Radio

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk