Во американската база во Кабул има 12 украински војници.
Нивните роднини велат дека тие веќе ги повикале сите институции за евакуација, а се јавила само украинската амбасада во Таџикистан.
Сестрата на еден од војниците, Наталија, за украинските медиуми изјави дека војниците не знаат ништо за ноќната евакуација со украински авион.
"Никој не контактирал со нив. Сите Американци од базата се веќе евакуирани. Сега има повеќе од 40 мажи, вклучително и Грузијци, Романци и Бугари. Никој не ги евакуира ниту нив."
Вреди да се спомене дека, судејќи според објавените извештаи, американската војска беше евакуирана од Кабул заедно со нејзините кучиња -службеници.
"Американците заминаа. Ние останавме последни", вели Наталија.
Таа е огорчена што во украинскиот авион од Кабул имало само 8 украински државјани, останатите 72 се странци.
"Дали навистина немаше повеќе наши граѓани? Треба да започнеме со нашите луѓе. Во таа база седат 12 момци", рече жената.
Талибанците дојдоа во базата на Украинците, им го конфискуваа целото оружје и ги предупредија да седат мирни, инаку сe ќе биде „поинаку“.
"Денес, Талибанците се нормални, но утре може да мислат дека овие момци се бореа против нив на страната на Американците. Тие ќе бидат првите што ќе бидат заробени", е загрижена Наталија.
Наталија призна дека може да се обрати само до украинската амбасада во Таџикистан.
"Не можев да стигнам до Министерството за надворешни работи цел ден. Не одговараa на пошта, на Фејсбук. Каде да одам? Почнавме да се јавуваме на сите страни, по сите роднини. Дури потоа тие ни одговорија", се пожали Украинката.
Сега, дипломатските институции собираат податоци за армијата, бараат копии од пасоши. Тие не даваат никакви специфики, но тврдат дека се обидуваат да ги евакуираат Украинците.
Според жената, дипломатите велат дека не можат веднаш да ги евакуираат своите граѓани.
Тие се обидуваат да преговараат со Талибанците со цел да организираат коридор и да ги однесат сите со автобус до аеродромот.
Извор: б92.нет
© Vecer.mk, правата за текстот се на редакцијата
