„Со оглед на фактот дека Русија во моментов буквално ја „меле“ Украина на бојното поле, сериозно размислувам за широки банкарски санкции, санкции и царини против Русија додека не се постигне прекин на огнот и конечен мировен договор“, напиша Трамп.
Во пораката тој ги повика двете страни да преговараат.
„До Русија и Украина - седнете на маса сега, пред да биде предоцна. Ви благодариме!!! рече Трамп.
Потсетиме дека по средбата меѓу Трамп и Зеленски во Белата куќа кон крајот на февруари, која заврши со расправија, односите драстично се влошија. Не беше потпишан договор според кој САД ќе преземат 50% од правата на украинските ретки минерали како компензација за помошта дадена за време на војната, а Трамп наскоро ја суспендираше американската воена помош за Украина. Пред неколку дена го прекина и испраќањето разузнавачки информации во Украина.
Во таква ситуација Зеленски јавно објави дека е подготвен за мировни преговори, но набргу потоа Русија изврши нови масовни напади врз украинската инфраструктура. Трамп сега, по бранот критики и руските офанзиви, ѝ се заканува на Москва со големи санкции и царини доколку не се постигне прекин на огнот и конечен мировен договор.
© Vecer.mk, правата за текстот се на редакцијата
