Цитирајќи шест сегашни и поранешни функционери на американската војска, полиција и разузнавање запознаени со ситуацијата, Ен-Би-Си соопшти дека оваа опција за борба со картелите сериозно се разгледува.
Како одговор на овие тврдења, мексиканската претседателка Клаудија Шејнбаум изјави дека нејзината земја категорично ќе одбие каква било унилатерална американска воена акција на мексиканска територија и дека таквиот потег „нема да реши ништо“.
Таа додаде дека САД и Мексико имаат добар и тековен дијалог за безбедносните прашања и дека не верува дека САД ќе преземат таква еднострана акција.
© Vecer.mk, правата за текстот се на редакцијата
