Трамп напиша: „Само што имав одличен разговор со вршителот на должноста претседател на Јужна Кореја. Разговаравме за нивниот огромен и неодржлив трговски суфицит, тарифи, бродоградба, големи набавки на американски течен природен гас (LNG), заедничко вложување во гасовод од Алјаска и плаќање за американската воена заштита за Јужна Кореја.
Почнаа да плаќаат за воена заштита за време на мојот прв мандат - тоа се милијарди долари - но „заспаниот Џо Бајден“ го прекина тој договор од непознати причини. Тоа ги изненади сите! Во секој случај, пред нас се контурите и големата веројатност за голем договор за двете земји. Нивниот главен тим е во авионот кој лета за САД и работите изгледаат добро. Разговараме и со многу други земји кои сакаат да постигнат договор со САД.
Како и со Јужна Кореја, ние исто така покренуваме прашања кои не спаѓаат во трговијата и царините, а преговараме и за нив. 'Лесно продавање на едно место' е прекрасен и ефикасен процес!!! И Кина е очајна за договор, но не знае како да започне. Го чекаме нивниот повик. Тоа ќе се случи! „Бог да ве благови сега!
Да потсетиме, вчера Трамп ѝ се закани на Кина со нови царини од 50 отсто доколку Пекинг до денеска не се откаже од новите контрамерки, кои вклучуваат царини од 34 отсто за американските стоки.
© Vecer.mk, правата за текстот се на редакцијата
