Ситуацијата е особено лоша во северозападниот регион Пиемонт, со главниот град Торино, каде што локалните жители се повикани да останат дома.
Поплавите на железничките линии предизвикаа големи доцнења во возниот сообраќај меѓу Италија и Швајцарија. Неколку возови се заглавени. Властите предупредуваат на силни ветрови и ризик од нови поплави и лизгање на земјиштето.
Погодени се и областите кои вообичаено привлекуваат голем број посетители за време на велигденските празници, како Јужен Тирол, Ломбардија и Тоскана. Предупредувања за лоши временски услови беа издадени и во јужните швајцарски кантони Вале и Тичино, кои исто така привлекуваат туристи за време на велигденските празници.
© Vecer.mk, правата за текстот се на редакцијата
