Мал авион се урна во населен дел од градот Сими Вали во близина на Лос Анџелес, при што загина едно лице во авионот и беа оштетени две куќи, соопштија официјални лица.
Противпожарните екипи брзо реагирале, а полицијата го опколила подрачјето и ги предупредила граѓаните да се држат настрана, пренесува АП.
Чад излегувал од покривот на куќа во населбата Вод Ранч, која се наоѓа околу 80 километри северозападно од Лос Анџелес.
Остатоците од авионот можеа да се видат помеѓу две куќи.
Противпожарната служба на округот Вентура потврди дека луѓе имало во куќата во моментот на несреќата во саботата попладне, но дека сите биле евакуирани без повредени.
Властите не објавија никакви информации за пилотот на едномоторниот авион „Ван РВ-10“.
Исто така, тие не прецизираа што можело да предизвика пад на авионот.
© Vecer.mk, правата за текстот се на редакцијата
