Пратеникот на руската Дума Андреј Гуруљов рече дека неговата земја ќе ја уништи електричната мрежа на Украина и потоа ќе го таргетира нејзиниот банкарски систем.
„Ако го бомбардираме центарот на нивното банкарско работење, ќе го оневозможиме трансферот на пари, картичките нема да работат и луѓето нема да добиваат плати“, рече Гурулилов. Тој додаде дека најважно е што индустриското производство во Украина е запрено.
„Индустрија која донесе приход. Индустријата која произведува оружје, сè е запрено, тоа е најважно, сè друго се несакани ефекти. Можеме да кренеме во воздух железничка станица со еден проектил. Зошто да не го направиме тоа? Ние сме сега работиме на нивната електрична мрежа, ќе ја уништиме, се закани тој, а потоа откри дека следниот е банкарскиот систем.
Дефицитот во енергетскиот систем на Украина утринава се зголеми на 27 отсто и низ целата земја во сила се вонредни исклучувања, соопшти компанијата Укренерго.
Зголемувањето на дефицитот се случи поради вонредното исклучување на блокови во неколку електрани, а во исто време потрошувачката на електрична енергија продолжува да се зголемува поради влошувањето на временските услови, јавија локалните медиуми.
Украина се соочува со рестрикции откако руските сили на 10 октомври почнаа да ја напаѓаат инфраструктурата на земјата, главно енергетската.
© Vecer.mk, правата за текстот се на редакцијата
