Секретарот за одбрана Пит Хегсет дава приоритет на одвраќање на Кина од „окупација“ на Тајван и зајакнување на „домашната безбедност“, истовремено инсистирајќи НАТО да преземе поголем дел од товарот кога станува збор за европската безбедност.
Според таен внатрешен меморандум што го видел „Вашингтон пост“, тоа е дословна копија од извештајот на конзервативната тинк-тенк Фондацијата Херитиџ, која стои зад Проектот 2025. Документот, познат како „Привремени стратешки насоки за национална одбрана“ и означен како „тајна“, беше дистрибуиран до Министерството за одбрана во средината на март и потпишан од Хегсет.
Насоките ја прикажуваат визијата на претседателот Доналд Трамп за подготовка и победа во потенцијална војна против Пекинг и одбрана на Соединетите Држави од заканите во „блиската странство“, вклучувајќи ги Гренланд и Панамскиот канал.
Документот, исто така, предвидува војската да преземе подиректна улога во борбата против илегалната миграција и трговијата со дрога.
Хегсет практично наредил преориентирање на огромната американска воена архитектура кон индо-пацифичкиот регион.
Пентагон, со оглед на ограничувањата на персоналот и ресурсите, ќе ги притисне сојузниците во Европа, Блискиот Исток и Источна Азија да трошат повеќе за одбрана за да ја преземат главната улога на одвраќање закани од Русија, Северна Кореја и Иран, се наведува во упатствата.
„Кина е единствената закана“, рече Хегсет.
За разлика од Националната стратегија за одбрана на администрацијата на Бајден од 2022 година, која „се залагаше“ за сојузи во спротивставувањето на Русија, нарекувајќи ги „заемно корисни сојузи и сојузници... нашата најголема глобална стратешка предност“, насоките на Хегсет јасно нагласуваат дека НАТО мора да преземе „многу поголем“ товар бидејќи приоритетите на САД се на второ место.
© Vecer.mk, правата за текстот се на редакцијата
