Претходно, владата во сенка на Мјанмар објави дека најмалку 17 ученици се убиени, а 20 повредени во напад врз училиште управувано од националната влада во сенка, извршен и покрај прекинот на огнот прогласен по катастрофалниот земјотрес во земјата кон крајот на март, објави Еј-Би-Си Њуз.
Училиштето, управувано од Националната влада во сенка, се наоѓа во градот Депајин во регионот Сагаинг во централен Мјанмар, околу 160 километри северно од Мандалај и недалеку од епицентарот на земјотресот што го погоди Мјанмар на 28 март.
An airstrike in central Myanmar kills up to 22 people at a bombed school, reports say https://t.co/IX5mqi278G
— KABUUBI MEDIA AFRICA (@KabuubiMedia) May 12, 2025
Минатата недела, воената хунта на Мјанмар објави дека го продолжува примирјето прогласено по земјотресот до 31 мај, но и покрај ова, воените воздушни напади и артилериските напади продолжија во некои делови од Мјанмар.
Хунтата во Мјанмар го продолжи привременото примирје за да ги поддржи напорите за обнова по земјотресот во март, во кој загинаа најмалку 3.700 луѓе и беа опустошени делови од земјата.
Националната влада во сенка ги претставува остатоците од избраната администрација на земјата, која беше соборена со државен удар од страна на војската и други групи кои се спротивставуваа на воената хунта.
© Vecer.mk, правата за текстот се на редакцијата
