Групата ги опиша овие наводи како „фабрикувани вести“ на платформата Телеграм, пренесува Ројтерс.
Најмалку пет ракети биле истрелани вчера од ирачкиот пограничен град Зума кон американската армиска база во североисточна Сирија, а САД објавија дека сојузничкиот воен авион уништил ракетен фрлач во Сирија, додавајќи дека нема повреден американски воен персонал.
Овој напад од Ирак против американските сили е прв од почетокот на февруари, кога групите поддржани од Иран во Ирак ги прекинаа нападите врз американската војска.
Нападот се случил истиот ден кога ирачкиот премиер Мохамед Шија ал Судани се вратил од посетата на САД, каде што се сретнал со американскиот претседател Џо Бајден.
