Здравствените власти во Виетнам откриле нова варијанта на корона вирусот, која е мешавина на индискиот и британскиот сој и се шири мошне брзо преку воздухот, рекол виетнамскиот министер за здравје Нгујен Танг Лонг.
- После издвојувањето на генот кај последните заболени пациенти, откривме нов сој кој е мешавина на индискиот и британскиот, рекол Лонг, напоменувајќи дека тоа е индиски сој со мутации кои првобитно и припаѓале на британската варијанта на корона вирусот.
Тој додал и дека резултатите од лабораториските испитувања покажуваат дека новиот сој, кој се пренесува побрзо и полесно, сега мошне брзо и се размножува што го објаснува толку големиот број случаи на различни локации за многу кус временски период.
Од почетокот на пандемијата во Виетнам се заразени 6.396 лица, а умреле 47.
