Група ненаселени острови во близина на Антарктикот, покриени со глечери, населени само со пингвини, исто така се погодени од трговската војна на Доналд Трамп.
Имено, американскиот претседател и за нив воведе царини на стоки од 10 отсто.
Островот Херд и Островите Мекдоналд, кои ја сочинуваат најоддалечената територија на Австралија, се меѓу најоддалечените места во светот. До нив може да се стигне само со двонеделно возење со брод од Перт на западниот брег на Австралија. Тие се целосно ненаселени, а луѓето последен пат стапнале таму пред речиси 10 години, пишува „The Guardian“.
И покрај ова, островите Херд и Мекдоналд се на списокот на места кои ќе бидат погодени од новите трговски тарифи.
„Никаде на Земјата не е безбедно“, коментира австралискиот премиер Ентони Албанес.
The Heard Island and McDonald penguins have been taking advantage of us for too long - it's about time we stood up to them! https://t.co/oVACbhjkZQ
— Tom Malinowski (@Malinowski) April 2, 2025
Откако се дозна дека тарифите на Трамп опфаќаат дури и области каде никој не живее, потсмевот набрзо започна на социјалните мрежи.
„Пингвините ни крадат со години“, напиша поранешниот директор за комуникации на Трамп, Ентони Скарамучи, кој сега е чест негов критичар.
„Пингвините од островот Херд и Мекдоналд нè искористуваа предолго. Време е да им се спротивставиме! напиша поранешниот конгресмен Том Малиновски на Х.
© Vecer.mk, правата за текстот се на редакцијата
