Возачот на автобусот, во кој се превезувале 45 патници, се верува дека изгубил контрола над возилото, кое ја преминало средината на автопатот пред да се преврти, се објаснува во соопштението на противпожарната служба, објави Метро1.
Автобуската несреќа се случила синоќа во близина на општината Арагуари во државата Минас Жераис. Меѓу 18-те лица кои се пренесени во болница, некои се во тешка состојба, велат пожарникарите. Властите соопштија дека автобусот сообраќал меѓу централната држава Гојас и југоисточниот дел на Сао Паоло.
Во декември, 41 лице загина во автобуска несреќа во истата држава Минас Жераис, што е најголем број на смртни случаи во земјата од 2007 година. Несреќите со фатални последици се вообичаени на патиштата во Бразил, огромна земја со слабо развиена патна мрежа.
© Vecer.mk, правата за текстот се на редакцијата
