Мајката на две деца била заробена покрај креветот во фиока каде подоцна се задушила, а нејзината смрт подоцна била истражена на суд.
Според реконструкцијата на настанот, Хелен ги ставала чаршафите во фиока во спалната соба кога горниот дел од креветот ѝ паднал на глава.
Жената останала заробена меѓу рамката од креветот и душекот, во фиоката, без можност сама да излезе.
Ќерката Елизабета (19) го открила безживотното тело на мајка си откако се вратила од фризер.
На суд, девојката го опишала ужасното откритие и како изгледала нејзината мајка. „Нејзиното лице беше сино, а на вратот се гледаа трагите од рамката на креветот.“
Ќерката се обидела да ја спаси, а кога конечно ја извлекла од фиоката, сфатила дека ѝ нема спас, пишува Билд.
"Се плашев дека е мртва бидејќи не испушташе никаков звук. Почнав да ја оживувам но забележав дека не дише", рекла Елизабет.
Експерт подоцна утврдил дека она што ја убило Хелен е дефектниот механизам на креветот кој дозволува рамката на душекот да стои сама во воздух.
Високиот судски лекар Џереми Чиперфилд пресудил дека смртта на мајката е несреќен случај и дека таа паднала во фиоката од силата на горниот дел од креветот.
„Можете да видите дека таа се обидуваше да се спаси“, додаде тој.
© Vecer.mk, правата за текстот се на редакцијата
