Податоците од бродските системи покажуваат дека либерискиот танкер „Серифос“ и два танкери под кинеско знаме – „Косперл Лејк“ и „Хе Ронг Хаи“ – влегле и излегле преку алтернативна рута што го заобиколува иранскиот остров Ларак.
Секој од овие бродови има капацитет од околу два милиони барели нафта.
Се очекува „Серифос“, кој транспортира сурова нафта натоварена во Саудиска Арабија и Обединетите Арапски Емирати, да пристигне во малезиското пристаниште Малака на 21 април.
Другите два танкера превезуваат ирачка и саудиска нафта и се ангажирани од „Унипек“, трговската филијала на кинескиот енергетски гигант „Синопек“.
Иранската блокада на Ормуска Теснина, клучна за околу 20 проценти од глобалните испораки на нафта и течен природен гас, предизвика сериозни нарушувања на енергетските пазари и раст на цените по почетокот на конфликтот.
© Vecer.mk, правата за текстот се на редакцијата
