Кинеските медиуми објавија дека локалните власти разговарале и за подобрување на безбедноста во Стручниот институт за уметност и технологија Вукси во градот Јиксинг, провинцијата Џиангсу, каде студент (21) уби осум лица и повреди 17 други во масовен напад со нож на 16 ноември.
Безбедносните иницијативи доаѓаат речиси две недели по најсмртоносниот масовен напад во Кина во последната деценија, што се случи на 11 ноември кога маж, наводно, вознемирен поради спогодбата за развод, влетал со својот автомобил во толпа во јужниот град Жухаи, убивајќи 35 луѓе.
Шефот на Комунистичката партија во централниот град Чангша, провинцијата Хунан, исто така, спроведе инспекција на јавната безбедност и нареди зголемени напори, првенствено во управувањето со сообраќајот и распоредувањето на полицијата.
Покраината забележа трето масовно убиство на 19 ноември, кога маж со автомобил влета во ученици и пешаци пред училиште во јужниот кинески град Чангде.
Вчера Врховниот суд на Кина одржа состанок посветен на одржување на социјалната сигурност и стабилност, се вели во извештајот на веб-страницата на судот.
Кинеското Министерство за правда, исто така, се состана во петокот за да разговара за социјалното осигурување и стабилноста, според соопштението на неговата веб-страница.
На средбата било нагласена потребата од детални испитувања на конфликтите поврзани, меѓу другото, со бракот и семејството, соседите, имотното наследство, домувањето и земјиштето.
© Vecer.mk, правата за текстот се на редакцијата
