Во вежбите се вклучени разорувачи, фрегати, ловци и бомбардери, додека копнените сили изведоа гаѓања со боева муниција во водите северно од островот. Портпаролот на Источната команда, Ли Си, изјави дека вежбите ги постигнале „посакуваните ефекти“.
Министерството за одбрана на Тајван соопшти дека во изминатите 24 часа се забележани 130 кинески авиони и 14 воени бродови во близина на островот, при што дури 90 летала ја преминале средната линија на Тајванскиот Теснец. Како одговор на кинеските активности, Тајпеј ги активираше своите авиони, бродови и крајбрежни ракетни системи.
Кинеската државна агенција Синхуа објави дека маневрите се јасна порака против сепаратизмот и дека секоја ескалација ќе биде дочекана со „посилни контрамерки“.
Американскиот претседател Доналд Трамп изјави дека не бил однапред информиран за вежбите, но нагласи дека не е загрижен бидејќи има „одличен однос“ со кинескиот претседател Си Џинпинг и не верува во напад врз Тајван.
© Vecer.mk, правата за текстот се на редакцијата
