Властите соопштија дека во судирите загинале шестмина припадници на безбедносните сили, пренесува Дојче веле (ДВ).
Властите воведоа безбедносна блокада низ целата земја, го исклучија пристапот до интернет и поставија барикади на главните патишта што водат кон главниот град за да ги спречат демонстрантите да влезат, откако Имран Кан ги повика своите приврзаници да маршираат кон парламентот.
Public excitement is surging as #Islamabad faces relentless shelling for over 24 hours. The victims of state terrorism remain resilient. Those who treated Islamabad as their fiefdom, closing it off to Pakistani citizens, should take notice! #IslamabadLockdown #islamabadprotest pic.twitter.com/7NODuTiZxz
— Pixel Pulse (@Pixel2Pulse) November 25, 2024
Министерот за внатрешни работи Мохсин Накви им рече на новинарите дека демонстрантите би можеле да останат на периферијата на Исламабад, но се закани со остри мерки доколку влезат во градот.
Сепак, тоа не ги спречи илјадниците демонстранти да влезат во градот, каде што се судрија со полицијата, која испука солзавец и гумени куршуми кон приврзаниците на Кан кои ја пробија блокадата направена од контејнери барајќи ослободување на поранешниот премиер.
Протестите ги водат сопругата на Кан, Бушра Биби и Али Амин Гандапур, главен министер на северозападната провинција Хајбер Пахтунхва, каде што партијата на Кан е на власт. Демонстрантите планираат да одржат протест на плоштадот Д-Чок, голема површина во близина на парламентот.
#IslamabadProtest #PtiFinalCall#ImranKhanFightingForPakistan #ImranKhan#نومبر24_یوم_انقلاب pic.twitter.com/JwjdpFNgDY
— Nazeer Khan Achakzai🇵🇰 (@NazeerKAchakzai) November 24, 2024
Премиерот Шахбаз Шариф изјави дека четворица членови на паравоената единица Ренџерс биле убиени откако биле „прегазени од автомобил“. Никој не ја презеде одговорноста за нападот. Владата предупреди дека безбедносните сили ќе користат боева муниција доколку демонстрантите посегнат по оружје против нив.
Според извештаите, за време на дводневните судири се повредени десетици луѓе, меѓу кои и новинари кои биле нападнати од приврзаниците на Кан.
Демонстрантите одговориле на повикот на Кан за протест пред парламентот за да се изнесат барања кои вклучуваат негово ослободување и оставка на владата.
In this footage, you can see Rangers and police vehicles going berserk, attempting to run over protestors. In the chaos, they accidentally ended up killing their own officers who were clinging to the vehicles. The officers fell off, and a following vehicle ran over them,… https://t.co/AQuATFNlbK pic.twitter.com/2t1cjn4uAv
— Adeel Habib (@AdeelHabib_) November 26, 2024
Исламабад е под блокада од доцна во саботата, пишува CNN. Мобилниот интернет во градот е делумно исклучен, а повеќе од 20.000 полицајци се распоредени на улиците, многу од нив вооружени со палки и опрема за да ги разбијат демонстрациите.
Сепак, конвоите од Пакистанската партија Техрик-е-Инсаф (ПТИ) на Кан успеале да стигнат до Исламабад од северозападната провинција Хајбер Пахтунхва, како и од најнаселената провинција Пенџаб, расчистувајќи ги блокадите на патиштата.
جب تک ہمارے خان ہمارے پاس نہیں آئیں گے، کوئی بھی اسلام آباد کو اور مجھے چھوڑ کر نہیں جائے گا، بشرا عمران خان#احتجاج_سے_انقلاب_تک pic.twitter.com/eZuckBFtHF
— ISF - Official (@ISFPakistan) November 26, 2024
Последните протести се случуваат откако Исламабад ги засили безбедносните мерки за официјалната посета на белорускиот претседател Александар Лукашенко, кој вчера пристигна во главниот град на тридневни разговори со премиерот Шахбаз Шариф.
На видео снимките се гледа запалена полициска станица и неколку пожари на автопатот. Според извештајот на Ројтерс, 22 полициски возила биле запалени во близина на Исламабад и на други места во провинцијата Пенџаб.
Лекарите од пакистанскиот институт за медицински науки изјавија за Си-Ен-Ен дека пет лица загинале, меѓу кои четворица припадници на безбедносните сили и еден цивил. Повеќе извори велат дека биле удрени од автомобил за време на протестот.
До утрово, демонстрантите ги прекршија градските граници и голема толпа маршираше покрај нултата точка, сообраќаен центар во градот. Конвојот потоа продолжи кон Сината област, деловниот и трговски центар на Исламабад, пред да стигне до Д-Чок.
Армијата е распоредена надвор од клучните владини згради во Исламабад, вклучувајќи го Парламентот, Врховниот суд и Секретаријатот.
Накви, пакистанскиот министер за внатрешни работи, рече дека безбедносните сили се здобиле со прострелни рани, но дека полицијата „покажува воздржаност“ кон демонстрантите.
Тој предупреди дека доколку демонстрантите ја преминат „црвената линија“, безбедносните сили ќе добијат дозвола да користат огнено оружје и дека може да воведе полициски час или да распореди војска.
„Ренџерите можеа да отворат оган и за пет минути немаше да има демонстранти таму“, рече Накви. „Секој што ќе стигне овде ќе биде уапсен.“
Партијата на Кан, пакистанската Техрик-е-Инсаф (ПТИ), ја обвини владата за прекумерна употреба на сила, велејќи дека „се испукани куршуми врз демонстрантите“, што ги опиша како „мирни“. ПТИ соопшти дека се повредени околу дваесет демонстранти.
Pakistanis have spoken up against US Backed government in Pakistan.They are demanding their rights and freedom of Imran khan. pic.twitter.com/VtH4q9mdjc
— Lebanon Times 🇱🇧 (@TimesOF_Lebanon) November 24, 2024
Си-Ен-Ен не можеле самостојно да ги потврдат извештаите од ниту една страна, додека прекините на интернет ја отежнуваат комуникацијата уште повеќе.
Во последните денови, илјадници приврзаници на Кан беа уапсени во провинциите Пенџаб и Кајбер Пахтунхва додека властите се обидоа да го спречат протестниот марш.
Училиштата во Исламабад и блискиот Равалпинди биле затворени вчера и денеска, додека официјални лица и сведоци рекоа дека целиот јавен превоз меѓу градовите е укинат, според Ројтерс.
Високиот функционер на ПТИ Камран Бангаш рече дека демонстрантите „се одлучни и ќе стигнеме до Исламабад“, додавајќи дека тие „ќе ги надминат сите пречки една по една“.
Демонстрантите бараат ослободување на Кан и оние што неговите поддржувачи ги сметаат за политички затвореници. Тие, исто така, бараат укинување на новиот уставен амандман со кој се зголемија овластувањата на владата при изборот на судии од високите судови и нивно именување во политички случаи.
Поддржувачите на Кан веруваат дека изборите во февруари не биле слободни и фер, нарекувајќи ги „украдени“.
© Vecer.mk, правата за текстот се на редакцијата
