„Ова е локална иницијатива, а не широко употребувано оружје“, соопшти израелската војска, пишува The Jerusalem Post.
„Областа на границата со Либан се карактеризира со карпи, трње и густа вегетација, што претставува предизвик за војниците распоредени во одбраната“, додаваат тие. Нападите со палење имаат за цел да ѝ помогнат на војската да ги идентификува терористите кои се обидуваат да се инфилтрираат во Израел или да извршат други напади.
IDF soldiers began using trebuchets on the northern border with Lebanon
— NEXTA (@nexta_tv) June 13, 2024
According to some Israeli media outlets, the IDF was not allowed to use artillery to burn vegetation near its forward operating base on the Lebanese border, so they decided to use medieval methods to make… pic.twitter.com/vDSgRM3bTE
Весникот „Маарив“ цитира воен извор кој вели дека видеото е направено пред повеќе од еден месец. Катапулт е оружје што се користело за опсади, а било употребувано првенствено во средниот век.
Инаку, тензиите меѓу Израел и Либан дополнително ескалираа во последните денови. Израелците во вторникот го убија Сами Талеб Абдула, висок командант на Хезболах. Милитантите одговорија вчера со лансирање на околу 250 ракети во северен Израел.
Тоа е најголемиот број на ракети истрелани врз областа од почетокот на војната меѓу Израел и Хамас. Претходно денеска израелската армија соопшти дека уште еднаш со авиони ги нападнала позициите на Хезболах во јужен Либан.