Кина штотуку претстави специјален уред за сечење на длабочински кабли, способен да ги пресече најчуваните подводни комуникациски или енергетски линии во светот, пренесува South China Morning Post.
Ова може да го промени глобалниот баланс на поморските сили.
Ова откритие, кое е првпат една земја официјално да објави дека поседува таков уред, способен да ги заглавува клучните подморски мрежи, може да го промени глобалниот баланс на поморските сили, велат Кинезите.
Имено, подморските кабли станаа клучна ранливост за владите ширум светот во случај на зголемени меѓународни тензии или отворен конфликт.
Кинескиот секач е всушност алатка која може да сече кабли на длабочина до 4.000 метри, јавуваат медиумите. Што е повеќе од доволно за да се допре до сите постоечки подморнички комуникациски системи на други земји. Дополнително, машината за сечење кабли за длабоко море е дизајнирана да се интегрира со напредните кинески подморници со екипаж и без екипаж, како што се сериите Fendouzhe (Стривер) и Хаиду.
Секачот е развиен од страна на Кинескиот научно-технолошки истражувачки центар за бродоградба (CSSRC) и неговата поврзана Државна клучна лабораторија за подморници со посада во длабоко море.
Иако Кинезите инсистираат дека алатката е создадена за цивилно спасување и експлоатација на морското дно, неговата двојна намена може да предизвика тревога во други земји. Имено, кинескиот секач е способен да сече блиндирани кабли – обложени со челични, гумени и полимерни слоеви – низ кои поминува 95 отсто од глобалниот пренос на податоци.
На пример, со сечење на кабли во близина на стратешките тесни грла, како што е Гуам – клучна точка во стратегијата на американската војска за „втор островски синџир“ за задржување на Кина – оваа алатка може да ги дестабилизира глобалните комуникации за време на геополитичка криза.
Оваа вест доаѓа по серијата инциденти поврзани со оштетување на подморските кабли, за кои се шпекулира дека се одговорност од Русија и Кина. Во јануари, на пример, кинески товарен брод го пресече кабелот Trans-Pacific Express што го поврзува Тајван со САД, Јапонија и Јужна Кореја.
Експлозијата на гасоводот Северен тек 1, што се случи во септември 2022 година, уништи 50 метри цевка.
Американскиот експерт за енергија Бенџамин Шмит тврди дека Кина не ги развива алатките за она што тие го тврдат.
„Можно е оваа технологија да се користи за идни подводни воени операции“, проценува Шмит.
Тајван е особено загрижен бидејќи зависи од овие кабли за комуникација со светот. Проблемот е што инцидентите се случуваат во меѓународни води, а инволвираните бродови имаат нејасна сопственост и регистрација.
Моментално се развиваат поморски дронови за следење на подморските кабли, но нивната целосна примена би можела да потрае со години.
© Vecer.mk, правата за текстот се на редакцијата
