Според извештаите, изворите биле запознаени со разговорот меѓу американскиот секретар за одбрана Лојд Остин и неговиот израелски колега Јоав Галант во вторникот наутро.
Неименуваните извори рекоа дека американските власти дознале за експлозиите на пејџери од медиумски извештаи по инцидентот.
Според Си-Ен-Ен, зад нападот во Либан во вторникот, во кој загинаа најмалку 12 лица, а речиси 3.000 се ранети, стојат израелската разузнавачка служба Мосад и армијата.
САД, исто така, му пренеле на Иран преку неофицијален канал дека не се вклучени во нападот и дека Иран не треба да ескалира, изјави американски претставник за Си-Ен-Ен.
Американскиот државен секретар Ентони Блинкен денеска во Каиро изјави дека САД „не знаеле за овие инциденти, ниту биле вмешани во нив“.
🚨 WALKIE TALKIES EXPLODING IN LEBANON!
— Deborah (@Deborah07849071) September 18, 2024
At least one person was killed and more than 100 were injured in Lebanon Wednesday after walkie-talkies detonated in a fresh wave of explosions, a security source tells CNN, one day after pager blasts across the country killed at least 12… pic.twitter.com/hlGV0I5rJt
Портпаролот на американскиот Стејт департмент Метју Милер вчера вечер истакна дека САД не се запознаени со плановите на Израел за наводен напад врз Либан.
Во серија експлозии на пејџери низ Либан загинаа најмалку 12 лица, меѓу кои и едно дете, а беа повредени околу 2.750 луѓе.
Либанската влада и Хезболах го обвинија Израел за нападот.
© Vecer.mk, правата за текстот се на редакцијата
