За време на 24-часовното бдеење, чувар од гардата на кралицата падна пред ковчегот на британската кралица Елизабета Втора додека ожалостените оддаваа почит.
Додека стоеше на само неколку метри од ковчегот на кралицата во Вестминстерската сала, чуварот најпрво се тетерави, но брзо се фати да не падне и се врати на своето место.
Дваесетина секунди подоцна целосно ја изгуби свеста и падна на земја. На помош пред шокираните граѓани кои се собраа да и оддадат почит на починатата кралица дојдоа уште неколку чувари.
Емитувањето на бдеењето во Вестминстерската сала набрзо беше прекинато и продолжи само еден час подоцна, пишува Индипендент.
Надлежните се уште не откриваат детали за причината за губењето на свеста или за здравствената состојба на чуварот, а медиумите јавуваат дека брза помош морала да го пренесе во болница на лекување.
A Royal guard at the Queen's coffin during the Lying-in-State has collapsed. The Guard nearly collapsed moments earlier. pic.twitter.com/xDXVlBx4bL
— Moshe Schwartz (@YWNReporter) September 14, 2022
© Vecer.mk, правата за текстот се на редакцијата
