Владата во Прага минатата година објави дека повеќе нема руски гас во Чешка, но оттогаш ситуацијата значително се промени, така што Русија заедно со Норвешка е убедливо најголемиот увозник на оваа стока во Чешка.
Увозот на норвешки гас во Чешка во периодот од јануари до октомври 2024 година е намален на годишно ниво за речиси 40 отсто, а ова намалување се компензира со значително зголемување на испораките од Русија, додава Кованда, јавуваат чешките медиуми.
Чешка во првите десет месеци од 2023 година увезла 145.600 тони гас од Русија, а годинава во истиот период обемот на увоз на руски гас се зголемил на 915.900 тони, истакнува чешкиот експерт.
Кованда потсети дека Чешка добива руски гас индиректно преку Словачка, Унгарија и до неодамна Австрија, а не преку директен контакт со рускиот извозник Газпром, пренесува ТАСР.
Според него, проблем може да биде и прекинот на транзитот низ територијата на Украина, што треба да се случи од новата година, а тоа може да доведе до значително намалување на достапноста на рускиот гас во Чешка.
© Vecer.mk, правата за текстот се на редакцијата
