По ограничениот ирански ракетен напад врз американска база во Катар, како реакција на претходните американски напади врз ирански нуклеарни објекти, американскиот претседател Доналд Трамп објави дека Израел и Иран постигнале договор за целосен прекин на огнот.
Иран е подготвен да ги прекине сите напади доколку Израел престане со своите акции до 4 часот изутрина по иранско време, потврди иранскиот министер за надворешни работи, Абас Арагчи.
Сепак, воени извори од Израел укажаа дека и по рокот Иран лансирал ракети кон израелска територија, што предизвикува сомнеж во одржливоста на најавениот прекин на огнот. За момент, ситуацијата останува нејасна и напната.
© Vecer.mk, правата за текстот се на редакцијата
