Исланд, со речиси 400.000 жители, се наоѓа на границата меѓу евроазиските и северноамериканските тектонски плочи, што го прави сеизмички активна област со гејзери, топли извори и бројни вулкани, пренесува Ројтерс.
Инаку, вулканот на Исланд „спие“ веќе осум века, а од декември 2023 година е активен по седми пат, испраќајќи потоци од лава кон блиското туристичко место.
Кога магмата почна да се собира под земја, властите предупредија на можна ерупција на полуостровот Рејкјанес, кој се наоѓа на околу 30 километри југозападно од Рејкјавик. Последната ерупција во областа беше на 6 септември.
Геолошкиот систем во областа беше неактивен 800 години, а ерупциите повторно започнаа во 2021 година. Оттогаш, ерупциите зачестија, а последната ерупција беше шеста оваа година.
Блискиот рибарски град Гриндавик, дом на речиси 4.000 жители пред да биде издаден налогот за евакуација минатата година, останува главно напуштен поради периодични закани од ерупции, соопшти агенцијата.
Научниците предупредуваат дека Рејкјанес би можел да доживее повторени вулкански ерупции во следните децении, но не очекуваат овие процеси да предизвикаат нарушувања слични на оние во 2010 година, кога вулканот Ејафјадлајкидл исфрли пепел во атмосферата, парализирајќи го воздушниот сообраќај во Европа и предизвикувајќи откажувања повеќе од 100. 000 летови низ целиот свет.
© Vecer.mk, правата за текстот се на редакцијата
