Украина вечерва се согласи со предлогот на САД за 30-дневен прекин на огнот со Русија, претставен на состанокот на претставниците на двете земји во Саудиска Арабија.
Набргу потоа, американскиот државен секретар Марко Рубио изјави дека „топката е на теренот на Русија“, а Доналд Трамп најави дека најверојатно ќе разговара со рускиот претседател Владимир Путин до крајот на неделата.
Првата реакција од Кремљ дојде веднаш.
Руското Министерство за надворешни работи објави соопштение, а неговата портпаролка Марија Захарова, како што јави агенцијата Тасс, вели дека „не исклучуваат контакт со американски претставници во следните неколку дена“.
Меѓу другото, Трамп им рече на новинарите дека ќе го покани украинскиот претседател Володимир Зеленски назад во Белата куќа и дека се надева на почеток на прекин на огнот во следните неколку дена.
За очекуваниот разговор со Путин накратко рече:
- Како што велат, за танго се потребни двајца.
© Vecer.mk, правата за текстот се на редакцијата
