Мајката (21) која родила момче на фармата каде работеле таа и нејзиниот сопруг, мислела дека новороденчето е мртво бидејќи мислела дека не дише, јавуваат романските медиуми.
Само неколку минути подоцна, сопственикот на фармата повикал полиција, откако го слушнал плачот на бебето кој доаѓал од дворот.
Жената и новороденчето веднаш се хоспитализирани во Ургентната болница во Пашќани, а мажот е приведен. Младата жена синоќа родила бебе тешко речиси три килограми дома, во редовен термин за породување.
Меѓутоа, извесно време по породувањето, жената се посомневала дека бебето не дише, а сопругот го извадил новороденото момче и го фрлил во дворот. За среќа, плачот на бебето го слушнал сопственикот на фармата, кој ја известил итната помош.
Веднаш интервенирале и живо го извлекле од тоалетот, а по првата медицинска интервенција било хоспитализирано заедно со мајка му.
Лекарите го стабилизирале момчето, но се уште е во болница каде ќе му биде извршен подетален преглед.
Момчето пристигнало во болница со тешка хипотермија, а неговата мајка, која исто така била хоспитализирана, е во добра состојба.
За овој случај веднаш е покрената истрага, а според информациите, за убиство во обид е осомничен 33-годишен маж. Приведен е на распит и ќе биде задржан во полициска станица 24 часа.
© Vecer.mk, правата за текстот се на редакцијата
