Американскиот Центар за контрола и превенција на болести (CDC) ги активираше своите центри за итни операции, класифицирајќи ја актуелната состојба со хантавирусот како „ниво 3“. Како што пренесуваат американските медиуми, ова претставува најнизок степен на активација во вонредни ситуации, што е вообичаена процедура во оваа фаза. Надлежните служби смируваат дека ваквата класификација укажува на фактот дека ризикот за пошироката јавност и понатаму е низок, но овозможува поактивно следење на ситуацијата и подготвеност на системот.
Активирањето на центрите за итни операции значи дека веќе е формиран специјализиран тим чија задача е да го координира одговорот на терен и да врши постојана размена на информации помеѓу здравствените институции. Иаko засега нема место за паника, овој чекор овозможува сите потребни ресурси да бидат на располагање доколку дојде до промена во интензитетот на ширење на вирусот. Стручњаците посочуваат дека навременото формирање на координативни тела е клучно за ефикасно управување со ваквите епидемиолошки предизвици.
© Vecer.mk, правата за текстот се на редакцијата
