Пожар во авион на „Рајанер“! Патниците избегале, но има и повредени

Најмалку 18 лица се повредени во пожар што избувна во авион на „Рајанер“ на аеродромот Палма де Мајорка во Шпанија

Преплашените патници избегале од авионот, некои бегале преку крилата, објави „Билд“.

Тие излегле на пистата кратко по полноќ, додека пожарникарите и полицијата брзо пристигнале на местото на настанот. Од 18 повредени, шестмина морале да бидат префрлени во болница.

Авионот бил пред полетување. Сè уште не е јасно каде се движел или што го предизвикало пожарот.