Велика Британија денеска излегува на локални избори во 136 изборни единици, во атмосфера на голема политичка неизвесност за владејачките лабуристи. Прогнозите на експертите како Роберт Хејворд сугерираат дека партијата на Кир Стармер се соочува со значително губење на територии во Англија и историски пад на рејтингот во Велс.
Додека граѓаните избираат меѓу ветувањата за економска стабилност на конзервативците и повиците за промени на Реформската партија, политичката судбина на премиерот виси на конец. Според меѓународните агенции, исходот од овие избори ќе биде одлучувачки за тоа дали Стармер ќе ја задржи контролата врз сопствената партија или ќе се соочи со предвремено повлекување од функцијата.
© Vecer.mk, правата за текстот се на редакцијата
